Se quieres que te segue la yêrba
Trai la gadanha cula tue piêdra
Pa l'aguçar
Trai buis i carro
Pa la lhebar
Que segada stá,
Que segada stá.

L padre d'Antonho era
Cristiano, hunrado i prudiênte
Que mantenie sue casa
Cul sudor de sue frente.
L tenie un huôrto
Donde colhie
cun muita alegria
La fruita de l campo
que l tiêmpo traie.
Amiêntes you bou a missa
Muito cuidado hás-de tener
Cun todos ls paixaricos
Que me stan botando a perder.
Por isso t'ancargo,
Antonho amado
Que tengas cuidado
Culs paixaricos
Que nun cóman lo sembrado.

Quatro quartas de pomiênta
An la tiênda de l rincon
L tendeiro nun stá an casa
La criada me la bendiu:
Me ajustei cun la criada
Porque ajustaba melhor.
Al cabo de nuôbe meses
La pomiênta rebentou...
Ten cuônta,
Ten cuônta, Nun te pique la pomiênta...

Mirandun, Mirandun, Mirandela
Mirandun se fui a la guiêrra
Nun sei quando benerá
Nun sei quando benerá
Nun sei se benerá por la Páscoa

Se por la Trinidá
Mirandun, Mirandun, Mirandela
La Trinidá se passa
Mirandun se morriu yá.